Një ngjarje shqetësuese është raportuar në Gostivar, ku një konflikt mes dy të miturve ka eskaluar në një incident serioz që përfshin edhe një prind.
Sipas denoncimit, pas përleshjes mes të rinjve, prindi i njërit prej tyre, i identifikuar si L.I., ka ndërhyrë në mënyrë agresive. Ai dyshohet se e ka ndjekur djalin tjetër me një automjet tip “Porsche”, më pas e ka futur me forcë në mjet dhe e ka dërguar deri te shtëpia e tij.
Gjatë gjithë ngjarjes, i mituri pretendohet se është kërcënuar, duke rritur shqetësimet për sigurinë dhe përfshirjen e të rriturve në konflikte mes fëmijëve.
Policia ka konfirmuar se po ndërmerren veprime për zbardhjen e plotë të rastit dhe për përcaktimin e përgjegjësive ligjore.
