Komuna e Gostivarit ka nisur punimet për asfaltimin e rrugës „Ilija Anteski Smok“, në një segment prej 200 metrash, nga njëra urë deri te ura e trenave.
Projekti synon përmirësimin e infrastrukturës rrugore dhe lehtësimin e qarkullimit për banorët dhe të gjithë pjesëmarrësit në trafik që përdorin këtë rrugë.
Nga Komuna e Gostivarit bëjnë të ditur se realizimi i projekteve infrastrukturore do të vazhdojë, me synimin për të përmirësuar kushtet e jetesës dhe për të ofruar shërbime më cilësore për qytetarët.
Asfaltimi i këtij segmenti pritet të përmirësojë lëvizjen e automjeteve dhe kushtet e qarkullimit në këtë pjesë të qytetit. /GS/
