Një zjarr ka përfshirë një shtëpi në fshatin Gradec të Gostivarit. Nga incidenti nuk raportohet për persona të lënduar.
Sipas njoftimit të Policisë, më 19 nëntor 2026, në orën 10:05, në SPB Tetovë është raportuar se kishte rënë zjarr në një shtëpi në pronësi të F.S. (42), nga i njëjti fshat.
Zjarri është shuar nga ekipet e Njësisë Territoriale Kundër Zjarrit në Gostivar dhe Njësisë Territoriale Kundër Zjarrit në Vrapçisht.
Këqyrje në vendin e ngjarjes ka kryer ekipi inspektues i NPB-së Gostivar. Gostivari Sot

