Ndërmarrja Publike “Komunalec” – Gostivar njofton qytetarët se rezultatet e analizave të njëpasnjëshme laboratorike rikonfirmojnë sigurinë e plotë të ujit për pije nga rrjeti i ujësjellësit publik, transmeton Gostivari Sot.
Në bazë të raporteve zyrtare të pranuara nga Qendra për Shëndet Publik Tetovë – Njësia Rajonale Gostivar, mostrat e analizuara dëshmojnë se uji i plotëson të gjitha standardet fiziko-kimike dhe mikrobiologjike, duke qenë në përputhje të plotë me normat ligjore për cilësinë dhe sigurinë e ujit të pijshëm.
Ekzaminimet janë realizuar nga Laboratori 1103/2026, i cili është i akredituar sipas standardit ndërkombëtar MKC EN ISO/IEC 17025:2018 për testimin kimik dhe mikrobiologjik të ushqimit dhe ujit.
Procesi i marrjes së mostrave është kryer në pikat e mëposhtme të rrjetit shpërndarës:
– Pompa e benzinës “Makpetrol” – Rruga JNA
– Ndihma e Shpejtë – Spitali i Përgjithshëm
– Çezma publike përballë Stacionit të Policisë
– Çezma pranë varrezave – fshati Banjicë e Poshtme
– Çezma publike para objektit të Komunës së Gostivarit
– Çezma e xhamisë – fshati Zdunjë
– Çezma publike – lagja Tullana
Për të gjitha mostrat e sipërpërmendura, referuar parametrave të karakteristikave higjieno-teknike, konstatohet përputhshmëri absolute me kriteret e përcaktuara për konsum të sigurt.
NP “Komunalec” – Gostivar ju siguron se monitorimi dhe kontrolli i cilësisë së ujit do të vazhdojë rregullisht, përmes marrjes së mostrave ditore dhe analizave rigoroze, për të garantuar një furnizim të sigurt për të gjithë qytetarët.
