Ndihma e shpejtë mjekësore pajiset me 100 automjete të reja me vlerë prej 460 milionë denarë.
Ministri i shëndetësisë Sasho Klekovski bëri të ditur se automjetet mundësojnë monitorimin e EKG-së dhe të segmenteve ST/QT, si dhe ndjekjen e pulsit dhe të tensionit arterial jo-invaziv.
“Shpërndarja e këtyre automjeteve do të bëhet sipas kritereve të përcaktuara, të cilat janë demografia, territori i mbuluar nga institucioni, numri i ndërhyrjeve në vit, numri i transporteve dhe qëndrueshmëria e automjetit, e kështu me radhë, pra është bërë një analizë dhe kriteret e shpërndarjes janë përcaktuar qartë.
Kryeministri Hristijan Mickoski deklaroi se mbeten ende shumë probleme për t’u zgjidhur, për shkak të neglizhencës së gjatë të infrastrukturës së kujdesit shëndetësor.
“Dua të theksoj gjithashtu se prioriteti ynë në periudhën e ardhshme janë investimet në shëndetësi dhe do të vazhdojmë të investojmë. Ka shumë fusha ku duhet të investohet dhe nuk mund t’i zgjidhim të gjitha, ndoshta as gjatë një mandati të plotë të një qeverie. Por për atë që planifikojmë në periudhën e ardhshme, tashmë jemi drejt përfundimit të negociatave me partnerët tanë dhe institucionet financiare, sa i përket investimeve në shëndetësi”, tha Mickoski.
Përveç kësaj, në vitin 2027 pritet që të blihen edhe 50 automjete të tjera.
