Apple ka lansuar një përditësim të ri të sistemit operativ për iPhone, që sjell emoji të reja, përmirësime në siguri dhe stabilitet më të madh për pajisjet. Versioni më i fundit përfshin 163 dizajne të reja emoji në tastierën e Apple, nga të cilat 13 janë krejtësisht të reja, ndërsa rreth 150 janë variante me tonalitete të ndryshme të lëkurës për emoji ekzistuese si “People Wrestling” dhe “People With Bunny Ears”.
Përditësimi gjithashtu sjell një opsion neutral gjinor për emoji-n e balerinit dhe figura të reja si saksofoni, arkë thesari, fytyrë e shtrembëruar, gorillë, re që simbolizon përplasje, rrëshqitje dheu dhe delfin. Historikisht, Apple prezanton emoji të reja në përditësimet pranverore; herën e fundit ishte me versionin 18.4.
Përditësimi më i ri është tashmë i disponueshëm për pajisjet e përputhshme dhe mund të shkarkohet nga seksioni Settings në iPhone ose iPad. Ekspertët rekomandojnë instalimin e tij për të përfituar nga përmirësimet e sigurisë dhe optimizimi i performancës.
