Policia ka arrestuar një 39-vjeçar në një fshat të Ohrit, pasi dyshohet se ka ushtruar dhunë ndaj bashkëshortes së tij në shtëpinë familjare.
Sipas njoftimit të SPB Ohër, ngjarja ka ndodhur më 7 mars 2026 rreth orës 18:30, kur zyrtarët policorë kanë privuar nga liria personin me iniciale D.B. (39) nga i njëjti fshat.
Ndërhyrja e policisë erdhi pas një denoncimi paraprak se i dyshuari është sjellë në mënyrë agresive ndaj bashkëshortes së tij dhe e ka sulmuar atë duke përdorur një send plastik.
Autoritetet bëjnë të ditur se pas dokumentimit të plotë të rastit, ndaj të dyshuarit do të paraqitet kallëzim përkatës sipas procedurave ligjore.
