Zjarr i madh në urën e hekurudhës në Shkup
By Gostivari Sot
Një zjarr i madh ka kapluar mbrëmë urën e hekurudhës pranë stacionit hekurudhor dhe qendrës tregtare East Gate në Shkup, përcjell “Klan Macedonia”.
Sipas njoftimeve të para zjarri ka shpërthyer mbrëmë, ndërsa është djegur instalimi i energjisë elektrike dhe i ngrohjes.
Në rrjetet sociale qarkullojnë pamje nga tymi i zi që ka mbuluar një pjesë të madhe të kryeqytetit.
Ekipet e zjarrfikësve po tentojnë të shuajnë zjarrin, ndërsa siç raportohet, po tentojnë edhe të kontaktojnë kompanitë përkatëse për të kuptuar nëse nën urë ka edhe instalime gazi.
Zjarri arriti të shuhet mbrëmë, ndërsa ura është e mbyllur për qarkullim nga policia derisa të përcaktohet qëndrueshmëria dhe siguria e saj.
By Gostivari Sot
