Varheji: Ballkani Perëndimor është prioritet kyç i BE-së

Gostivari Sot
Nga Gostivari Sot 7 Tetor, 2020 14:14

 Ardhmëria e Ballkanit Perëndimor është në Bashkimin Evropian, vlerësoi eurokomisari për zgjerim Oliver Varheji, duke shtuar se për Ballkanin Perëndimor është kyçe lidhja e Beogradit, Podgoricës, Prishtinës, Sarajevës, Shkupit dhe Tiranës.

Ai në një tekst autorial për gazetën beogradase “Politika” thotë se nga dita e parë e mandatit të Komisionit, një punë është e qartë, se Ballkani Perëndimor është prioritet kyç i BE-së.

“Ne punojmë me mund që ta afrojmë rajonin në BE sa është e mundur më shpejtë me arritjen e tre qëllimeve: të japim sfidë të re për procesin e zgjerimit, t’i hapim negociatat aderuese me Shqipërinë dhe Maqedoninë e Veriut dhe ta përshpejtojmë afrimin ekonomik të rajonit drejt BE-së”, thotë Varheji.

Siç njoftoi korrespondeti i MIA-s nga Beogradi, Varheji vlerëson se udhëtimi dhe tregtia mes Beogradit, Podgoricës, Prishtinës, Sarajevës, Shkupit dhe Tiranës sot zgjat dyfish më tepër sesa mes qyteteve që janë shumë më të largëta.

Lidhja, thotë ai, është kyçe për jetën e njerëzve, për bizneset dhe për ekonomitë në rajon, posaçërisht kur duhet të inkurajohet rikuperimi pas pandemisë së Kovid-19.

Ai tha se duhet të zvogëlohet hendeku në zhvillimin ekonomik mes rajonit dhe BE-së, që do ta përshpejtojë procesin e integrimit të atyre vendeve në BE.

“Këto janë shkaqet kryesore pse Komisioni Evropian këtë javë e ka prezantuar Planin gjithëpërfshirës ekonomiko-investues për Ballkanin perëndimor. Plani parashikon mobilizimin deri nëntë miliardë euro për financimin e prioriteteve investuese në transport, energjetikë, tranzicionin e gjelbër dhe digjital, që të krijohet rritje afatgjate dhe hapje e vendeve të punës”, thotë eurokomisari.

Ai potencon se plani ka për qëllim përforcimin e kapacitetit investues të rajonit, falë instrumentit të ri garantues për Ballkanin Perëndimor, ambicja e të cilit është të mobilizohen 20 miliardë euro investime.

“Na nevojitet Ballkan Perëmdimor, i cili është më mirë i lidhur, pa dallim nëse bëhet fjalë për qarkullim rrugor ose hekurudhor mes kryeqyteteve ose me BE-në ose internet ultra i shpejtë me brez të gjerë”, thotë Varheji.

Eurokomosari beson se kjo do të ndihmojë të krijohet ekonomi e fuqishme e tregut, përmes stimulimit të fuqishëm dhe drejtpërdrejtë të tregtisë dhe investimeve.

Varheji për gazetën “Politika” thotë se ofrohet bashkëpunim gjatë krijimit të ekonomisë, të bazuar në dituri përmes ndihmës së ndërmarrjeve të vogla dhe të mesme, startapet dhe industritë të cilat merren me hulumtime dhe zhvillim.

Gostivari Sot
Nga Gostivari Sot 7 Tetor, 2020 14:14