U mbajt turneu në shah mes nxënësve të shkollave fillore të Gostivarit

Gostivari Sot
By Gostivari Sot 12 Nëntor, 2022 21:05

U mbajt turneu në shah mes nxënësve të shkollave fillore të Gostivarit

40 nxënës nga të gjitha shkollat fillore të qytetit të Gostivarit, sot kanë marrë pjesë në turneun e shahut ndërshkollorë që u organizua nga pushteti lokal në bashkëpunium me klubin e shahut “Gostivari”. Turneu u hap nga kryetari i Komunës së Gostivarit, Arben Taravari. Ai me këtë rast theksoi se shahu është një aktivitet shumë i rëndësishem për rritjen e shëndetshme të fëmijëve dhe këto gara ndihmojnë edhe për zbulimin e talentëve të rrinj në ketë sport.

“Sot hapa turneun ndërshkollor të shahut që përfshin shkollat fillore në teritorin e Komunes së Gostivarit organizuar nga klubi i shahut “Gostivari”. Shahu është një aktivitet shumë i rëndësishem për rritjen e shëndetshme të fëmijëve dhe këto gara ndihmojnë edhe për zbulimin e talentëve të rrinj në ketë sport me të cilët besoj fuqishëm që nesër të gjithë do jemi krenarë me arritjet e tyre. Le të fitojë më i miri”, deklaroi Arben Taravari, kryetar i Komunës së Gostivarit.

Turne u zhvillua te shkolla fillore “Mustafa Kemal Ataturk”. Nxënësit pjesëmarrës kishin nga shtatë xhiro deri në finale. Pos garimit, aktivitet ka rëndësi të veçantë, pasi fëmijët dalin nga rutina e tyre e përditshme, ata miqësohen dhe argëtohen.

Ndryshe, Komuna e Gostivarit kohë më parë organizoi edhe trajnim të mësimdhënësve nëpër shkolla për shah, pasi MASH ka filluar projektin me të cilin shahu do të vendoset si lëndë nëpër shkollat fillore.

Gostivari Sot
By Gostivari Sot 12 Nëntor, 2022 21:05

11:34:32 am
Dje (23 nëntor) rreth orës 20:00 në rrugën “Dushko Popoviq”...
11:33:03 am
Mbrëmë (23 nëntor) rreth orës 19:10, në rrugën e “Ilindenit”...
11:32:03 am
Pjestarët e policisë të SPB Tetovë mbrëmë (24 nëntor) dhjetë...