Toka e shitur, banorët e fshatit Vrapçisht sërish kanë dalë në protestët

Banorët e fshatit Vrapçisht sërish kanë dalë në protestët, përmes së cilës kundërshtojnë shitjen e rreth 60 mijë metra katrorë tokë në atarin e fshatit Vrapçisht.

Në tokën e shitur para një viti, pronarët e rinj kanë filluar me pastrimin e së njejtës, ku pritet të ndërtohen kapacitete prodhuese. Banorët e Vrapçishtit pretendojnë se ajo tokë ka qenë e të parëve të tyre dhe pa lejen e tyre nuk mund të shitet dhe me çmim prej vetëm një euro për metër katrorë. Me mbëritjen e banorëve, makinerit e angazhuara për pastrim, ndërprenë punën e tyre. Vendi i gjithi ishte rrethuar nga policia, por banorët janë decid dhe thonë se do ta mrbojnë vendin e tyre edhe me jetë. Ata lusin autoritetet lokale, qendrore dhe kompanitë që e kanë blerë tokën, ta prishin marrëveshjen.

Në mbështetje të banorëve kishte dalur edhe deputeti I zonës nga radhët e BDI-së, Bajram Kadrija. Ai akuzoi se pushteti lokal aspak nuk ka qenë transparentë dhe tokjën e ka shitur pa debat publik me banorët. Sipas tij edhe këshilltarëve të Këshillit komunal të Varpçishtit, për shitjen e tokës nuk kanë qenë të njoftuar dhe ka pasur presion mbi ata.

Kadrija tha se toka e shitur ka tre pronarë, dy janë kompani dhe një person fizik. Sipas tij, toka është prone e BFI së RMV-së dhe është dashur të kthehet te pronari i vëtetë. Tha se për mënyrën e shitjes, tanimë procedure nga ana e tij është inicuar në Ministrinë e Transportit dhe Lidhjeve.

Toka që është shitur përreth një euro, ndodhet rreth autostradës në zonën ekonomike në këtë pjesë, ndërsa çmimi aktual për metër katrorë aty shkon mbi 60 euro.