Të gatshëm të përballen me sfidat e sigurisë gjatë verës

Gostivari Sot
By Gostivari Sot 20 Korrik, 2023 14:13

Me iniciativë të Sektorit të Punëve të Brendshme të Tetovës, këto ditë janë mbajtur disa takime punuese të këshillave lokale për parandalim nga komunat Bërvenicë, Vrapçisht dhe Mavrovë – Rostushë, e më parë edhe nga Gostivari.

Në këto takime më së shumti është biseduar për nevojën e parandalimit në kohë të zjarreve në zona të hapura dhe zjarreve në pyje, me përfshirjen e koordinuar të disa shërbimeve kompetente nëpër komuna.

Kjo kryesisht për shkak të temperaturave të larta të ajrit në ditët e fundit dhe rritjes së rrezikut për zjarre.

Përveç këtyre, është fol sërish për ndjekjen efektive të të shtënave në dasma me armë zjarri dhe organizimin e paautorizuar të fishekzjarrëve dhe përdorimin e mjeteve të ndryshme piroteknike në dasma dhe festa të tjera familjare.

Dhe jo vetëm kaq, por edhe për zbulimin dhe sanksionimin e objekteve hotelierike dhe hotelierëve që u shërbejnë pije alkoolike të miturve. 

Nga ana e pjesmarësve është konstatuar gjithashtu se takime të tilla duhet të organizohen më shpesh dhe këshillat të bëjnë çmos që të gjejnë vendin dhe rolin e duhur në pulsin e përditshmërisë së zonave ku veprojnë, në radhë të parë në aspektin e sigurisë, por edhe në përgjithësi.

Gostivari Sot
By Gostivari Sot 20 Korrik, 2023 14:13