Schalke barazon pa gola me Mainzin, Mustafi kompleton ndeshjen

Qendërmbrojtësi shqiptar, Shkodran Mustafi, mori një pikë me Schalken të premten në mbrëmje pasi barazoi me Mainzin. Mustafi luajti në tërë ndeshjen, ndërsa skuadra e tij bën pikë dyshifrore në edicionin aktual. Është në vendin e fundit me 10 pikë, ndërsa Mainzi, dy pozita më lartë me 18 pikë.

Takimi i xhiros së 24-të në Bundesligën e Gjermanisë, që u zhvillua në Veltins Arena në Gelsenkirchen, përfundoi pa gola.

Trajneri Dimitrios Grammozis debutoi me Schalken, por mori vetëm një barazim, që për Schalken mund të jetë i vlefshëm pasi po lufton për mbetje në elitën e futbollit gjerman.

Mainzi ishte më i mirë në këtë duel me 18 tentime për shënim, në krahasim me Schalken që i pati vetëm dy. Schalke mbetet me vetëm një fitore këtë sezon.