Rishikimi i buxhetit: Këtë vit do të shpenzojmë 1 miliard euro më shumë sesa kemi

Gostivari Sot
Nga Gostivari Sot 16 Tetor, 2020 21:10

Rishikimi i buxhetit tashmë është në procedurën parlamentare. Debati në komitetin mëmë për financimin dhe buxhetin vazhdon sot, i cili sipas Rregullores së Procedurës është i kufizuar në 10 ditë pune, përcjell FLAKA.

Ministri i Financave Fatmir Besimi shpjegoi dje se këtë vit deficiti buxhetor do të jetë 8.5%, që do të thotë se Qeveria do të shpenzojë afër një miliard euro më shumë para sesa ato që do të mbledhë në formën e taksave dhe të ardhurave të ndryshme të tjera. Paratë që tashmë mungojnë në ekonomi, Qeveria do t’i sigurojë përmes huazimit në tregjet e huaja dhe ato të brendshme, e cila për herë të parë në historinë e saj do të thyejë kufirin e 60% të produktit të brendshëm bruto, që praktikisht do të thotë se shteti i ka afër dy të tretat e gjithçkaje që ne prodhojmë dhe shpenzojmë gjatë vitit. Viti i keq ekonomik, sipas parashikimeve, do të na sjellë një rënie të PBB-së me 5% dhe Kryeministri shpreson që me masat e reja antikrizë të jemi në gjendje të mbajmë deficitin në 4.4%.

Sipas opozitës, rishikimi i buxhetit është populist dhe nuk do të sigurojë rritje të aktivitetit ekonomik. Deputetët e opozitës paraqitën vërejtjet e tyre mbi buxhetin shtesë në formën e 170 amendamenteve. FLAKA

Gostivari Sot
Nga Gostivari Sot 16 Tetor, 2020 21:10