Reka: Kjo qeverisje krijoi një frymë të re

Gostivari Sot
Nga Gostivari Sot 28 Shtator, 2020 13:12

Ambasador i Jashtezakonshem e Fuqiplote i Republikes se Shqiperise ne Republiken e Maqedonise se Veriut, Sh.T.Z. Fatos Reka, në një mega intervistë ekskluzive për Agjencinë e Lajmeve Flaka, mes të tjerash jep vlerësim mbi kursin politik të qeverisë aktuale në Maqedoninë e Veriut  në raport me faktorin ndërkombëtar

Ambasadori Reka shprehet që pa dyshim që kjo qeverisje krijoi një frymë të re e më relaksuese në mbarë vendin, duke u fukusuar po ashtu në reformat e kërkuara nga Bashkimi Evropian, tërheqjen e investitorëvë të huaj, krijimin e vendeve të reja të punës, sidomos për rininë, si dhe luftën kundër korrupsionit e krimit të organizuar e reformimin e sistemit gjyqësor.

“Është e vërtetë ajo që thoni ju, në fillim të detyrës sime si Ambasador i Shqipërisë në Maqedoni në atë kohë ishte në një moment kur edhe situata politike nuk ishte e qetë. Opozita e asaj kohe kish filluar protestat e të bënte publike “bombat”, e Shkupi, por edhe qytetet e tjera të vendit ishin përfshirë në manifestime e protesta të opozitës LSDM, kundër qeverisjes së atëherëshme të VMRO-DPMNE. Ndërhyrja e faktorit ndërkombëtar dhe nënshkrimi i Marrëveshjes së Përzhinos bëri të mundur qetësimin e situatës politike, duke konluduar në pranimin nga të gjitha palët të zgjedhjeve të parakohëshme të dhjetorit të vitit 2016. Ngërçi politik vijoi edhe në 6-mujorin e parë të vitit 2017, deri në formimin e qeverisë LSDM-BDI të kryesuar nga Kryeministri Zoran Zaev”, deklaron Reka.

Reka shprehet që koalicioni qeverisës ndërmori një sërë nismash shumë të rëndësishme për vendin si nënshkrimi i Traktatit të Fqinjësisë së Mirë me Bullgarinë, nënshkrimi i Marrëveshjes së Prespës për ndryshimin e emrit e që i hapi rrugë antarësimit të Maqedonisë së Veriut në NATO, thellimi i reformave integruese, përfshirja e RMV në Procesin e Berlinit, forcimi i marrëdhënieve me fqinjët dhe fokusimi i vendit drejt Brukselit.

Fatos REKA

Fatos REKA

“Pa dyshim që kjo qeverisje krijoi një frymë të re e më relaksuese në mbarë vendin, duke u fukusuar po ashtu në reformat e kërkuara nga Bashkimi Evropian, tërheqjen e investitorëvë të huaj, krijimin e vendeve të reja të punës, sidomos për rininë, si dhe luftën kundër korrupsionit e krimit të organizuar e reformimin e sistemit gjyqësor. Është e vërtetë që në periudhën e shkurtër qeverisëse pati edhe përballje me kërkesa e pritshmëri më të lartë nga elektorati, por faktorë objektivë janë bërë pengesë për mos realizimin e disa premtimeve në fushën e ekonomisë. Faktori ndërkombëtar e ka mbështetur e vazhdon ta mbështesë qeverinë e kjo ilustrohet me faktin se personalitetet më të larta të politikës së jashtme e ato drejtuese të Bashkimit Evropian gjatë viteve 2018-2019 erdhën për vizitë në Maqedoninë e Veriut. Nuk munguan po ashtu Presidentë, Kryeministra, ministra të vendeve fqinje e më gjerë dhe kulmi arriti me viziten e Papa Françeskut në Shkup, vizitë shumë sinjifikative e domethënëse në mbështetje jo vetëm të qeverisë, por për të gjithë popullin dhe etnitë që jetojnë në Maqedoninë e Veriut”

Intervista e plotë me Sh.T.Z. Fatos Reka, Ambasador i Jashtezakonshem e Fuqiplote i Republikes se Shqiperise ne Republiken e Maqedonise se Veriut, që u zhvillua nga gazetari Driton Zenku, do të publikohet gjatë ditës së martë. FLAKA 

Gostivari Sot
Nga Gostivari Sot 28 Shtator, 2020 13:12