Qentë endacak barten nga një vend në tjetrin!
Qentë endacak barten nga një qytet në tjerin. Këtë pohim e hasim shpesh në lajme nga drejtuesit e komunave në Maqedoninë e Veriut, shkruan Gostivari Sot
Në një situatë të tillë, komunat ndodhen për shkak të mungesës së një zgjidhje adekuate në nivel shtetëror.
Mesatarisht, Komunat lëshojnë para për trajtimin e rreth 100 qenve endacakë, ndërsa numri i tyre është shumë më i lartë. Të ndodhur para një gjendje pa zgjidhje, përsëritet fenomeni i bartjes së qenve nga një lokalitet në tjerin, si forma më e lehtë e veprimit.
Një komunë, edhe nëse investon për trajtimin e qenve, rezultat mungojnë pasi që brenda kohës vijnë prurje nga vendbanimet e tjera për rreth. Në situata të tilla, përpjektet janë të pasukseshme.
Eskpetët besojnë që efekti mund të arrihet nëse angazhohet shteti. Duhet Qeveria të ndaj fond të posaçëm dhe zgjidhja të bëhet për të gjitha vendbanimet. Në të kundërtën, bartja e qenve nga një lokalitet në tjetrin, minimizon efektin e trajtimit të qenve nga komuna të veçanta.
Të gjitha përpjekjet në vazhdimësi që janë ndërmarrë deri më tani nuk kanë dhënë efekte sepse tufat e qenve hasen gjithandej në komunat e Maqedonisë së Veriut.
Nevoja për një qendër me kapacitete më të mëdha është përmendur disa herë nga kryetarët e komunave, por ka mbetur vetëm një deklarim publik, kurse në praktikë nuk është ndërmarrë asnjë veprim konkret. Gostivari Sot
