Prokuroria e Gostivarit, 4 kallëzime penale për shkelje të orës policore
Për shkak të shkeljes së orës policore, Prokuroria Publike-Gostivar ka ngritur kallëzime penale për katër persona, informojnë nga Prokuroria Publike.
Të akuzuarit siç thuhet në njoftim, kanë kryer vepër penale “mosveprim sipas rekomandimeve shëndetësore gjatë kohës së pandemisë”, që është e dënueshme në bazë të Nenit 206, Alineja 1 nga Kodi Penal i Republikës së Maqedonisë së Veriut.
Me këtë rast Prokuroria ka kërkuar nga gjykata që të akuzuarve t’ju shqiptohen dënime në të holla në vlerë prej 100 gjobave ditore.
