Policia apelon për shpejtësi të përshtatur

Stacioni Policor për Siguri në Komunikacion rrugorë-Tetovë me apelon drejtuesit të automjeteve, që të rregullojnë shpejtësinë në përputhje me kushtet e rrugës, posaçërisht në magjistralen Gostivar-Tetovë-Shkup, por edhe në rrugët tjera përreth rajonale dhe regjionale.

Këto ditë në zonën e Tetovës zazhdimisht janë duke u realizuar kontrolle të shpejtësisë dhe të gjithë shkelësit janë sanksionuar ligjërisht, duke
përgatitur parashtresa adekuate, duke theksuar se gjobat për këtë lloj shkeljeje, sipas Ligjit për Sigurinë e Trafikut Rrugor, variojnë nga 45 deri në
400 euro në Kundërvlera e denarit. Ata që do të tejkalojnë shpejtësinë maksimale të lejuar për 30, gjegjësishtë 50 kilometra në orë, në një zonë
banuese ose në rrugë të hapura, do të përballen edhe me një masë mbrojtëse, heqjen e përkohshme të patentë shoferit nga tre muaj deri në një vit.

Në këtë periudhën, gjithashtu do të përforcohen kontrollet në transportin publik të Tetovës, përmes së cilës të gjitha automjetet që nuk kanë licencë do të sanksionohen, si dhe ato që transportojnë numër më të madh të udhëtarëve se numri që parashikohet nga vendimi i fundit i qeverisë, për të kufizuar kapacitetin në 50 për qind.