Me respektim të distancës sociale, dezinfektim të atleteve dhe respektim të çdo rekomandimi mbrojtës ndaj pandemisë Covid 19, ka filluar nga sot selektimi i futbollistëve të rinjë, pranë Paraleles së futbollit në Gostivar. Anëtarët e rinjë që do të përbëjnë paralelen e gjimnazit, realizuan provat teknike përballë komisionit të akademisë të përbërë nga trajnerë nga FFM për të vijuar më pas me procedura të tjera. Argjend Beqiri përfaqësues i Federatës Futbollistike të Maqedonisë u shpreh se selektimi i futbollistëve të rinjë është nje proces klasifikues i cili mundëson të shihen talentët potencial për një karrierë te suksesshmë në futboll. Ai tha se pos nxënësve nga territori i Gostivarit, të drejtë aplikimi, kanë edhe nxënësit nga qyteti i kërçovës dhe Dibrës.
Beqiri sqaroi se kandidatët sot kryen vetëm provat teknike përpara komisionit me ç’rast dhe do të notohen.
Ndryshe në selektimin e sotshëm pjesëmarrës ishin 17 fëmijë. Kujtojmë se Paralelja e Futbollit në Gostivar deri më tani ka nxjerrë 4 gjenerata, një pjesë e të cilëve kanë krijuar karrierë të suksesshme profesionale. Nxënësit që vijnë nga qytetet më të largëta, do të mund ta akomodohen te internati i Gostivarit. Ndryshe, gjatë katër viteve, aq sa zgjat shkolla e mesme, nxënësit e kësaj paraleleje, pos mësimit të rregullt në shkollë, çdo ditë të javës, konkretisht katër ditë kanë stërvitje profesionale për futboll, një ditë ushtrime me klubin e tyre amë dhe gjatë fundjavës dy ditë zhvillojnë ndeshje.
