Një i ri lëndohet në një aksident automobilistik

Gostivari Sot
Nga Gostivari Sot 18 Tetor, 2020 11:09

Një 23 vjeçar u plagos rëndë në një aksident automobilistik në rrugën Kavadarci-Rosoman, herët në mëngjes, njofton FLAKA

“Djali ishte në gjendje kome kur u soll në spital. Kishte lëndime në kokë dhe dëmtime në gjoks. Ne arritëm ta mbajmë gjallë, u vendos aktiviteti normal i sistemit kardiopulmonar dhe ne e referuam atë në një klinikë në Shkup, në Qendrën e Urgjencës, njoftoi Dragan Jovanov, mjek në Spitalin e Kavadarit. 

Ministria e Brendshme konfirmoi që ishte raportuar se në rrugën regjionale Kavadarci-Rosoman në afërsi të fshatit Manastirec, automjeti i pasagjerëve “Audi” me targa të Kavadarcit i drejtuar nga një 23 vjeçar nga Kavadari, devijoi nga rruga.

Në aksident, shoferi ka marrë lëndime të rënda trupore, të konstatuara në spitalin e Kavadarcit. Në vendin e ngjarjes u krye  ekspertizë nga një ekip i policisë së Kavadarit. FLAKA

Gostivari Sot
Nga Gostivari Sot 18 Tetor, 2020 11:09