Ndryshon metoda e ndarjes së mjeteve në pakon e katërt antikovid

Qeveria ka ndryshuar metodologjinë për shpërndarjen e kartelave pagesore me të cilat do të mbështeten qytetarët nga kategoritë e rrezikuara nga kriza me pandeminë. Ato do të shpërndahen në mënyrë graduale për secilën kategori veçmas dhe procesi do të zgjasë deri në fund të vitit, ndërsa kësaj rradhe, qytetarët nuk do të marin kartela si në pakon e kaluar, por paratë do të ju lëshohen në llogaritë e tyre bankare.

Kreshnik Bekteshi

“E kemi ndryshuar mënyrën dhe metodologjinë e dhënies apo realizimit të masave të cilat dalin nga pakoja e katërt e masave ekonomike, siç ishte rasti edhe me mbështetjen financiare për pagesën e pagave ku në mënyrë të shkallzuar, të gjitha kompanitë të cilat kanë pasur më shumë ndikim negative nga pandemia do të ndihmohen më shumë. Pikërisht në atë mënyrë deri në fund të vitit, drejtëpërdrejtë të gjithë kategorive të qytetarëve të cilët më vetëm se I kemi prezentuar, do tu lëshohen mjete në zhirollogaritë e tyre dhe nuk do të kenë nevojë për kartela pagesore të reja”

Bekteshi tha se Qeveria ka filluar menjëherë përgaditjet për realizimin e masave për mbështetje, ndërsa prej nesër do të fillojnë të shpallen dhe publikohen edhe thirjet për mbështetje të bizneseve të prekura nga kriza.

Kreshnik Bekteshi

“Lidhur me shpalljet dhe masat që realizohen nga Ministria e Ekonomisë, tanimë janë gati. Jam informuar nga kryeminuistri se të premten do të kemi një mbledhje të Qeverisë ku do ti miratojmë programet dhe nga e hëna ose e marta do të publikohen të gjitha masat që realizohen nga ministria e ekonomisë edhe në pjesën e kthimit të taksës turistike, grandet për agjencitë turistike, për ciceronët, për këndet e lojrave. Gjatë kësaj jave, nesër ose pasnesër do të publikohet thirja për mbështetje të furnizimit të pajisjeve dhe repromaterialeve për të gjithë zejtarët”.

Pakoja e katërt e masave ekonomike filloi të realizohet pasi mbrëmë Kuvendi miratoi rishikimin e dytë të buxhetit të këtij viti ku ishin parashikuar mjetet financiare për zbatimin e masave për mbështetje të qytetarëve dhe kompanive që janë dëmtuar nga kriza të cilën e shkaktoi pandemia me virusin korona.