Mot do të jetë me diell dhe me vranësira të ndryshueshme

Moti paradite në vend do të jetë me diell dhe me vranësira të ndryshueshme. Pasdite, sidomos në pjesët veriore dhe verilindore, vranësirat do të rriten ndjeshëm dhe do të ketë kushte për shi të dobët lokal. Do të fryjë erë e lehtë deri mesatare nga drejtimi veriperëndimor, e cila do të jetë më e theksuar përgjatë Vardarit.

Temperatura e mëngjesit do të lëvizë prej minus 1 deri në 9 gradë, ndërsa ajo e ditës prej 14 deri në 23 gradë.

Në Shkup, paradite me diell me pak vranësira, pasdite vranësirat do të rriten. Do të fryjë erë e lehtë deri mesatare nga drejtimi veriperëndimor.

Temperatura e mëngjesit do të ulet deri në 6, ndërsa ajo e ditës do të arrijë deri në 19 gradë.

Në ditët në vijim do të mbizotërojë mot kryesisht me diell dhe me vranësira të vogla deri mesatare, ndërsa në disa vende, veçanërisht në pjesët veriore dhe lindore, kohë pas kohe do të ketë vranësira të konsiderueshme me kushte për shi të dobët lokal. Do të fryjë erë e lehtë derisa mesatare veriore veçanërisht përgjatë Vardarit.