Mickoski: Retorika e BDI-së nuk sjellë të mira dhe vetëm e ashpërson situatën në shtet

Gostivari Sot
Nga Gostivari Sot 21 Qershor, 2020 20:27

Lideri i VMRO-DPMNE-së, Hristian Mickoski, i cili ndodhet në takime me qytetarë në Kumanovë, duke u përgjigjur në pyetje të gazetarëve për kushtet që dje i parashtroi BDI për kryeministër shqiptar dhe për pranim të kërkesave bullgare, tha se BDI llojin e tillë të kërkesave mund t’i mbajnë vetëm në radhët e veta për inkurajim të anëtarësisë së tyre.

Ai shton se VMRO-DPMNE është parti politike e cila iu drejtohet të gjithë qytetarëve pa dallim të përkatësisë së tyre etnike.

“Retorika dhe mënyra e tillë e sjelljes jo vetëm që nuk sjellë të mira, por përkundrazi, vetëm e ashpërson situatën në shtet. Ne do të përgjigjemi në mënyrë adekuate, sepse, kaluan kohërat kur BDI do të ndjehet në mënyrë të rehatshme dhe romantike në Qeverinë e Republikës së Maqedonisë”, deklaroi Mickoski.

Ai tha se VMRO-DPMNE është fituese e zgjedhjeve të ardhshme parlamentare së bashku me Koalicionin “Për ripërtëritje të Maqedonisë, duke përsëritur se të gjithë qytetarët janë të mërzitur të ndjehen si qytetarë të rendit të dytë.

Gostivari Sot
Nga Gostivari Sot 21 Qershor, 2020 20:27