Mësimi online, fillon trajnimi i mësimdhënësve të Gostivarit

Gostivari Sot
Nga Gostivari Sot 24 Shtator, 2020 11:54

Platforma kombëtare për mësim në distancë është e komplikuar dhe duhet të pësoj akoma ndryshime që për mësimdhënësit të jetë më e lehtë. Kështu thonë mësimdhënësit të cilët kanë filluar trajnimet në Gostivar, posaçërisht e vështirë, thonë ata, do të jetë për ata të cilët ligjerojnë lëndë shkencore. Në shkollën fillore “Ismail Qemali”, janë duke u trajnuar 101 mësimdhënës, të ndarë në tre grupe, bën me dije drejtoresha Shpresa Useini, dhe sqaron se trajnimet do të zgjasin tre ditë. Nëse do të ketë nevojë, trajnimet mund të zhvillohen edhe për më shumë ditë.

Në këtë shkollë mbi 75 për qind e prindërve që kanë fëmijët aty, janë shprehur për mësim me prani fizike, por drejtoresha Useini thotë se kërkesat diktohen nga kushtet dhe mundësitë në shkollë.

Bujar Sulejmani – administrator kryesor pranë kësaj shkolle, për trajnimet mbi platformën kombëtare për mësim në distancë, thotë se platforma është e ngarkuar, por jo edhe e pa kapshme për mësimdhënësit.

Sulejmani është i mendimit se ajo duhet të pësoj ndryshime, pasi mësimdhënësit më të moshuar dhe ata të lëndëve specifike mund të hasin në vështirësi.

Platforma Kombëtare për mësim nga distanca mundëson që nxënësi përmes telefonit ose kompjuterit ta sheh klasën dhe mësimdhënësin. Mund t’i shfrytëzojë të gjitha materialet audio dhe video të vendosura në platformë dhe të punojë detyrat e shtëpisë. Gjithashtu do të ketë edhe kuize të shpejta, teste dhe përmbajtje të tjera inovative. E njëjta është përshtatur që të funksionoj në 5 gjuhë. GLOBI

Gostivari Sot
Nga Gostivari Sot 24 Shtator, 2020 11:54