Maqedonia e Veriut sot nis skriningun shpjegues për grupin e parë

Gostivari Sot
By Gostivari Sot 15 Shtator, 2022 08:45

Maqedonia e Veriut sot nis skriningun shpjegues për grupin e parë

Sot në Komisionin Evropian, ekipet e ekspertëve nga Maqedonia e Veriut dhe Shqipëria do të dëgjojnë për legjislacionin e përditësuar të BE-së nga viti 2019.Qëllimi i skriningut shpjegues, ashtu si në vitin 2019, është të informojë ekipet e vendeve negociuese për progresin dhe risitë në legjislacionin e BE-së.

Duke qenë se Maqedonia e Veriut dhe Shqipëria nuk kanë pasur një shqyrtim shpjegues që nga viti 2019, ata duhet të kalojnë një përditësim të ligjeve, gjykimeve dhe vendimeve më të fundit në secilin nga kapitujt prej atëherë deri më sot.

Takimi i kushtohet kapitullit të pestë, Prokurime Publike, i cili është pjesë e grupit të parë. Grupi i parë konsiderohet më i rëndësishmi, ai përfshin kapitujt 23 dhe 24 për drejtësinë dhe gjyqësorin, të cilët gjatë procesit të negociatave janë të parët që hapen dhe të fundit që mbyllen.

Ekipet do të dëgjojnë gjithashtu kapitullin e Statistikave nesër, këtë herë në Luksemburg.

Nga Komisioni Evropian deklaruan  dje se mbesin plotësisht të përkushtuar për avancimin e procesit të BE-së me Maqedoninë e Veriut dhe Shqipërinë.

“Ky është hapi i parë dhe domethënës në procesin e negociatave, i mbështetur plotësisht nga qeveritë dhe parlamentet e të dyja vendeve”, deklaroi për MIA zëdhënësja Ana Pisonero.

Ajo shtoi se muajt e ardhshëm sjellin një “program intensiv pune” për të gjitha palët, i cili do të fillojë me Themelet.

“Bëhet fjalë për takime teknike në të cilat janë përfshirë një numër i madh i ekspertëve dhe jemi në kontakt të ngushtë me autoritetet për orarin e takimeve”, ka shtuar Pisonero.

Këto takime teknike pritet të zgjasin rreth dy muaj, pas së cilës duhet të fillojë skriningu  dypalëshe.

Skriningu dypalësh e zhvendos fokusin tek vendi negociues i cili duhet t’u paraqesë ekspertëve të Komisionit Evropian çdo herë progresin në secilin nga kapitujt. Në vijim është raporti i Komisionit Evropian i cili vlerëson atë progres, dhe raportin duhet ta miratojnë vendet anëtare të BE-së, përkatësisht Këshilli i BE-së.

Pas përfundimit të skriningut dypalësh, Maqedonia e Veriut do të jetë në gjendje të fillojë zyrtarisht negociatat sipas grupeve dhe kapitujve me BE-në, por vetëm nëse së pari ndryshon Kushtetutën dhe sjell bullgarët në të si komb përbërës.

Nga pala maqedonase pas takimeve nuk janë bërë të ditura deklarata.

Në ditën e parë, me komunikatë ka dalur LSDM.

“Fillon procesi i shqyrtimit për anëtarësimin e Maqedonisë së Veriut në Bashkimin Evropian, si një hap i ri në rrugën e vendit drejt BE-së, që pason hapjen e negociatave të Maqedonisë së Veriut me BE-në, thotë LSDM.

“Integrimi evropian është synim strategjik i shtetit dhe qytetarëve. Prandaj është e rëndësishme që të gjithë të përfshihen maksimalisht dhe të ketë një konsensus kombëtar për procesin e anëtarësimit.

Negociatat dhe i gjithë procesi i negociatave për anëtarësim në Union është një projekt shtetëror dhe kombëtar, i cili do ta transformojë vendin për Qeveria e udhëhequr nga LSDM-ja i filloi në korrik të këtij viti negociatat me BE-në, për të cilat shteti ka pritur 17 vjet.

Vazhdojmë të punojmë me përkushtim në interes të shtetit dhe qytetarëve. E ardhmja e Maqedonisë është evropiane”, thuhet në njoftim. GS

Gostivari Sot
By Gostivari Sot 15 Shtator, 2022 08:45

11:34:32 am
Dje (23 nëntor) rreth orës 20:00 në rrugën “Dushko Popoviq”...
11:33:03 am
Mbrëmë (23 nëntor) rreth orës 19:10, në rrugën e “Ilindenit”...
11:32:03 am
Pjestarët e policisë të SPB Tetovë mbrëmë (24 nëntor) dhjetë...