Kujdes, prej nesër ulen temperaturat

Prej nesër, nën ndikimin e masës ajrore shumë të ftohtë nga gjerësitë gjeografike më të veriut, moti do të jetë shumë i ftohtë me erë të veriut mesatare dhe të fortë përgjatë lumit Vardar, kumtoi Drejtoria për Punë Hidrometeorologjike.

Në fundjavë do të jetë me vranësira, të ftohtë dhe me erë dhe reshje dëbore, më të mëdha në pjesët jugperëndimore. Shtresa e borës do të formohet kudo dhe do të rritet në male. Pritet që në pjesët jugperëndimore dhe në vendet e ulta të jenë mbi 20 centimetra. Për shkak të temperaturave të ulta, do të ketë edhe acar.

Temperaturat do të qëndrojnë dukshëm nën mesataren për këtë periudhë dhe do të jenë negative gjatë gjithë ditës. Temperaturat e mëngjesit do të ulen në -10, ndërsa në fillim të javës tjetër në disa vende nën -15 gradë