Keqparkimi, Policia sanksionon 4 drejtues automjetesh në Gostivar

Gostivari Sot
Nga Gostivari Sot 30 Shtator, 2020 15:22

Sektori i Punëve të Brendshme Tetovë, ka vazhduar me aktivitete të intensifikuara të kontrollit, për zbulimin dhe sanksionimin ligjor të automjeteve, përkatësisht shoferëve të cilët kryejnë transport publik të udhëtarëve pa licencat e nevojshme, ku si bartës i këtyre aktiviteteve janë Stacioni Policor për Sigurinë e Trafikut Rrugor Tetovë dhe Departamenti për Krime Ekonomike.

Dje (29 shtator) prej ora 09.00 deri ora 13.00, janë kryer kontrolle në rrugët regjionale Tetovë-Volkovi
dhe Tetovë-Pirok, gjatë të cilave janë zbuluar 9 automjete pa licencë dhe 17 persona të cilët nuk kanë përdorur mbrojtje të fytyrës.

Pas zbardhjes dhe dokumentimit të plotë, për pronarët e automjeteve do të përgatiten parashtresa
adekuate penale dhe për kundërvajtje.

Me intensitet të njëjtë, dje (29 shtator) janë realizuar aktivitete edhe për rend dhe siguri më të
madhe me parkim në Tetovë dhe Gostivar, brenda të cilave janë sanksionuar gjithsej 13 automjete (TE-9
dhe GV-4), të cilat për shkak të keqparkimi janë ngritë me anë të "shërbimeve komunale të
merimangës" në dy qytetet e Pollogut.

Gostivari Sot
Nga Gostivari Sot 30 Shtator, 2020 15:22