Kërkesat që dolën nga debati publik për zgjidhje të përkohshme të problemit me deponinë Rusino, janë përmbushur në tërësi.
Ka përfunduar instalimi i kamerave të sigurisë dhe ndriçimit publik në dhe përreth deponisë.
Të gjitha pikat e marrëveshjes për ndërprerje të bllokadës nga ana e Iniciativës qytetare “Stop
deponisë Rusino. Ajër i pastër në Gostivar” janë përmbushur.
Paraprakisht Komuna e Gostivarit angazhoi kompani sigurimi të cilët do të bëjnë kujdestari
24 orë në ditë për të penguar zjarrvënien e qëllimshme, ndërsa ka dërguar edhe kërkesat
dhe parashtresat përkatëse drejtuar Qeverisë, Ministrisë së Punëve të Brendshme dhe
Inspektoratit shtetëror për mjedis jetësor.
Pas plotësimit të të gjitha pikave të marrëveshjes, respektivisht krijimit të kushteve për funksionim normal të deponisë për nevojat vetëm të komunës tonë, Komuna e Gostivarit nuk e sheh si të arsyeshme që të vazhdojë bllokada dhe i siguron qytetarët se marrëveshja do të respektohet pikë për pikë.
