Hasani selam Nuhiut: Kujdesu edhe për punonjësit e Policisë së Gostivarit

Gostivari Sot
Nga Gostivari Sot 14 Gusht, 2020 12:02

Ministri Agim Nuhiu takoi dje përfaqësuesit e OJQ “Meseçina” nga Gostivari, ku u diksutua për implementimin e plotë të kuadrit normativ të Ministrisë për punë të brendshme në lidhje me personat e paevidentuar në librat amë të të lindurve, njofton Gostivari Sot 

“Në takimin me përfaqësuesit e OJQ “Meseçina” nga Gostivar shprehëm gatishmërinë tonë për implementimin e plotë të kuadrit normativ të Ministrisë për punë të brendshme në lidhje me personat e paevidentuar në librat amë të të lindurve”, shprehet Nuhiu.

Por, ky deklarim i Nuhiut është komentuar nga kryetari i degës së BDI në Gostivar, Bashkim Hasani. Ky i funit ka lëvduar aktivitetin e ministrit por ka kërkuar nga ai që të kthen sytë nga Stacioni Policor në Gostivar, respektivisht punonjësit e SP – Gostivar.

“Gatishmëria Juaj për raste të tilla është për tu përshëndetur. E bëni edhe shumë më mirë që të shprehni gatishmërinë tuaj dhe kujdes të veçantë edhe për punonjësit dhe SP të Gostivarit”, shprehet Hasani.

Në këtë situatë, është inkuadruar edhe gazetari Furkan Saliu.

“Në një intervistë për news33.tv , Z. #Nuhiu paska thënë se dikush po e sulmon për teke personale duke aluduar tek unë… Z.Nuhiu,nëse unë e kam personalisht, atëherë përse ankohet dega e #BDI-së – #Gostivar, #Tetovë dhe ajo e #Dibrës? Jo Z. Nuhiu, nuk ka të bëjë me teke personale, por sigurisht që ka të bëjë me guximin, dijen, shkathtësinë, që ju nuk e keni. E po, me inate personale ka të bëjë degradimi i Adit nga Çair, i cili është i diplomuar në kriminalistikë, e është i detyruar të qëndrojë para ambasadave me orë të tëra… Të ruaj mure, se apo shqiptari nuk din më shumë? Me inate personale ka të bëjë edhe degradimi i Milazimit, i cili është njeriu më i përgatitur në Njësiti për intervenim të shpejtë, por është i “pafat” se ai është vetëm një shqiptar. E më e keqja është se ai nuk mund të luftojë për veten, por për të duhet të luftojë një person që luftën më të madhe në jetë e ka bërë me gazetarë duke i lutur që mos të publikohen pjesë të intervistave dhe shkrimeve, e me komentues duke i kërcënuar që të fshijnë komente. Z. Nuhiu, kujto edhe një herë fjalët e babes kur të përcolli për herë të parë në punë si ministër… Të tha: “PUNO PËR POPËLL” Dëgjo babën Z. Nuhiu, bëje kontributin më të madh për popullin tënd dhe TËRHIQU! Lërë atë post për një njeri të sinqertë dhe të guximshëm”, shprehet gazetari Saliu.

Gostivari Sot
Nga Gostivari Sot 14 Gusht, 2020 12:02