Gostivari Sot: Urime 2021, le të jetë Vit i shëndetshëm, i lumtur dhe i begatë

Në prag të ndërrimit të viteve redaksia e Agjencisë së Lajmeve FLAKA  dhe Portali Informativ Gostivari Sot vjen me një mesazh urimi për të gjithë shqiptarët, për Vitin e Ri 2021. Kujtojmë që Viti 2020 ishte një vit shumë i vështirë sepse shumë prej nesh humbën familjarë si pasojë e Covid-19. 

Ky vit që po lejmë pas do të mbahet mend për pandeminë botërore që ndryshoi plotësisht mënyrën tonë të jetës, kështu dhe botëkuptimin.

Në këto momente festive, vendosim në fokus rolin e pakrahasueshëm të mjekëve  në kohën e pandemisë që po lufton vendi ynë bashkë me gjithë botën. Dëshirojmë të shprehim mirënjohjen tonë të thellë për personelin mjekësor dhe policor bashkë me të gjithë të tjerët që ishin në vijat e para të frontit në betejën me armikun e padukshëm gjatë gjithë këtij viti të vështirë. Mirënjohje të pakufishme për mjekët, infermierët dhe të gjithë ata, që gjenden edhe sot, në vijën e parë të luftës kundër kësaj pandemie. Përkushtimi, humanizmi dhe kujtimi i tyre le të na frymëzojë për më shumë solidaritet, bashkëpunim, përulësi, dhembshuri dhe dashuri për njëri-tjetrin. 

Por, në të gjithë këtë dhimbje dhe frikë nëpër të cilat kaluam, kishim edhe arsye për shpresë. Këtë shpresë na e dhanë heronjtë tanë, punonjësit shëndetësorë, të cilët luftojnë përditë, me sakrificë për shëndetin dhe jetën e çdo pacienti, madje edhe natën e Vitit të Ri

Në mesin e njerëzve që dhanë kontribut ishin dhe mediat, andaj, mirënjohje të përzemërt shprehim edhe për kolegët tanë gjithandej botës. 

E dëshirojmë nga zemra që në vitin e ri tejkalim të situatës pandemike dhe të realizim të qëllimit strategjik – anëtarësim në Bashkimin Evropian.

Të dashur shqiptarë dhe ju ndekës tanë kudo që ndodheni, Ju uroj nga zemra, një Vit të Ri të shëndetshëm, të lumtur dhe të begatë. Gëzuar. REDAKSIA FLAKA – Gostivari Sot