Gostivar, biçiklisti humb jetë nga lëndimet në aksident

Gostivari Sot
Nga Gostivari Sot 30 Gusht, 2020 11:04

Një person humbi jetën nga aksidenti tragjik që ndodhi në fshatin Çajlë, respektivisht rrugës për në Forinë, njofton Gostivari Sot

Sipas informacioneve nga Policia e Gostivarit, mbrëmë rreth orës 21 në magjistralen Gostivar – Çegran, automjeti i markës “Audi”, me targa të Gostivarit goditi për vdekje 72 vjeçarin O.O nga Çajla i cili drejtonte biçikletën.

“Gjatë goditjes, biçiklisti pësoi lëndime të rënda trupore, pas çka është dërguar në Spitalin e Gostivarit. Për shkak të lëndimeve serioze, pacienti është trasferuar në Klinikën e Shkupit. Por, për fat të keq nuk ka mundur të përballon lëndimet dhe rreth orës 22:30 ka ndërruar jetë”, njoftuan nga Policia e Gostivarit.

Ekipi nga Policia kreu ekspertizë në vendngjarje, ndërsa drejtuesi i automjetit, 23 vjeçari me inicialet J.I është privuar nga liria dhe është mbajtur në Stacionin e Policisë në Gostivar.

Gostivari Sot
Nga Gostivari Sot 30 Gusht, 2020 11:04