Gostivar, arrestohet shkupiani i dyshuar për vjedhje të shumta në objekte fetare

Gostivari Sot
Nga Gostivari Sot 9 Qershor, 2020 11:35

Dje (8-qershor) rreth orës 13.00 në rrugën ,,JNA”në Gostivar, pjestarët e policisë nga SPB Tetovë- Zyra e jashtme për punë kriminalistike Gostivar, e kanë privuar nga liria personin S.A. (54) nga Studeniçani i Shkupit, i dënuar me burg për kryerje të më shumë veprave penale vjedhje dhe vjedhje të rënda për të cilat i njëjti ka qenë i shpallur në kërkim.

Personi në fjalë, dyshohet se gjatë tre viteve të kaluara, në rajonin e Gostivarit ka kryer disa vjedhje
të rënda nëpër objekte fetare, para së gjithash nëpër kisha, si dhe më shum vjedhje të rënda, në rajone
tjera të shtetit tonë, gjithashtu nëpër objekte fetare.

S.A. është mbajtur në Stacionin policorë Gostivar dhe pas zbardhjes dhe dokumentimit të plotë të
rastit, ndaj tij do të përgaditen parashtresa adekuate, me ç’rast do të dërgohet dhe dorëzohet në burgun ,,Idrizovë” në Shkup, për të vuajtur dënumin.

Gostivari Sot
Nga Gostivari Sot 9 Qershor, 2020 11:35