Gostivar, aktualisht cilësia e ajrit është optimale

Gostivari Sot
Nga Gostivari Sot 6 Tetor, 2020 09:45

Cilësia e ajrit në mjedisin jetësor në qytetin e Gostivarit duket që është largë tejkalimit të pragut të lejuar të grimcave PM10, njofton Gostivari Sot 

Sipas të dhënave nga Sistemi shtetëror për monitorim automatik në punkte brenda qytetit, niveli i ndotjes së ajrit me grimcat PM10 rrotullohet nga 14 deri 23.

Tek tregu i qytetit, niveli i ndotjes është më i lartë dhe grimcat PM10  për ditën e martë kanë arritur në  20, ndërsa tek stacioni matës në shkollën fillore “Goce Dellçev”, matja automatike numëron 14 µг/м3.

Këto shifra janë optimiste kur kihet para sysh periudha e vitit në të cilën kalojmë, pra fillimi i sezonit të ngrohjes dhe që shoqërohet edhe me përgatitjet dimërore në natyrë.

Ajri që ne thithim është mjaft i rëndësishëm në shëndetin tonë po ashtu edhe për mjedisin që na rrethon. Ndotja e tij edhe pse mund të mos jetë shumë e dukshme është vdekjeprurëse.

Ndotësit e ajrit mund të jenë grimca pluhuri, kimikate apo materiale biologjike të cilat kanë efekte mbi organizmin tonë, mjedisin, atmosferën.

Dioksidi i karbonit është cilësuar si faktori më i fuqishëm i ndotjes së ajrit në botë.

Disa sëmundje që janë të lidhura me ndotjen e ajrit janë: kanceri, sëmundjet e zemrës, sëmundjet e mushkërisë, astma, bronkiti, pneumonia, alergji të ndryshme etj.

Sipas Organizatës Botërore të Shëndetësisë 63% e njerëzve vdesin nga kanceri në mushkri, 34% nga stroku (goditja në tru) dhe 27% nga sëmundjet kardiake. Ajri i pastër novojitet për një të ardhme të shëndetshme.

Cilësia e ajrit që thithim kushtëzon në një masë të konsiderueshme cilësine e jetës tonë. Përbërja e tij, e pandryshuar për miliona vjet, prej dy shekujsh po ndikohet gjithnjë e më tepër nga aktiviteti human.

Shpërthimi teknologjik, rritja e vazhdueshme e popullsisë dhe e nevojës për energji dhe ushqim, po ndikojnë në përkeqësimin e shpejtë të cilësisë të mjedisit në përgjithësi dhe të ajrit që ne thithim në veçanti, bashkëshoqëruar me pasoja tashmë të pranuara në shëndetin human dhe ekosistem.

Ajri është një nga përbërësit jetikë për planetin tonë dhe jetën në të, njëlloj si uji dhe toka. Perberja e tij ka ngelur e pandryshuar per miliona vjet.

Dukuri te tilla diskrete si shperthimet e vullkaneve apo zjarret masive nuk kanë ndikuar në terma afatgjatë si pasojë e rivendosjes se ekulibrave pas vetëpastrimit të atmosferës nëpërmjet precipitimit apo shpëlarjes nga rreshjet. Gostivari Sot 

LINK

Gostivari Sot
Nga Gostivari Sot 6 Tetor, 2020 09:45