Futbollisti Admir Memedi siguron furgon për nevojat e shoqatës “Bashkarisht Mundemi”

Gostivari Sot
Nga Gostivari Sot 27 Shtator, 2020 10:36
Futbollisti Admir Memedi do të blejë furgon për shoqatën për person ame nevojat të veçanta “Bashkarisht Mundemi” nga Gostivari. Informacioni bëhet i ditur nga kryetari i shoqatës Shpendi Salija, i cili thotë se furgoni do të jetë i përshtatur për nevojat e shoqatës që ai drejton.
Paraprakisht ju kemi njoftuar se z. Nurdin Hasani – gostivarasi që jeton dhe vepron në Zvicër, një mbështetës i fuqishëm i yni, ngriti iniciativë për grumbullimin e fondeve për blerje të një furgoni për nevojat e Shoqatës tonë, por menjëherë pas bërjes publike të kësaj iniciative, futbollisti me famë botërore Admir Memedi nga Gostivari, e ka njoftuar atë se furgonin do ta sigurojë ai personalisht (në vlerë totale deri më 10.000 franga zvicerane). Këtyre ditëve z. Nurdini dhe Shpend Tairi na njoftuan se Admir Memedi do të vijë në Gostivar në fillim të muajit tetor. Shpresojmë që gjatë qëndrimit të tij në Gostivar, do’t arrijmë ta blejmë furgonin, t’i bëjmë përshtatjet e nevojshme, ta regjistrojmë dhe ta vëmë në përdorim atë”, thotë shkruan Shpend Salija – kryetar i Bashkarisht Mundemi.
Në ndërkohë, aksioni për grumbullimin e mjeteve në vlerë prej po ashtu 10.000 frangave zvicerane vazhdon.
“Ato mjete do t’i dedikojmë për forcimin e kapaciteteve të shoqatës dhe realizimin e aktivitete të ndryshme në drejtim të përmirësimit të cilësisë së jetës të personave me nevoja speciale, me theks të veçantë “engjëjve” – fëmijëve anëtarë të Shoqatës Bashkarisht Mundemi. Zoti krijoi njerëz të mirë, por jo edhe fjalë adekuate për ta përshkruar mirësinë e tyre. Me siguri që Ai vetë t’i shpërblejë ata, si në këtë botë ashtu edhe në botën tjetër. Me shumë respekt dhe dashuri për Admir Memedin, Nurdin Hasanin dhe të gjithë njerëzit human”, shkruan Shpend Salija – kryetar i Bashkarisht Mundemi. TV GLOBI
Gostivari Sot
Nga Gostivari Sot 27 Shtator, 2020 10:36