Fati i komandantit të lartë rus që s’i bindet Putinit
Vladimir Putin thuhet se ka shkarkuar një zyrtar të lartë ushtarak, pasi ky i fundit refuzoi të dërgonte njerëz nën komandën e tij në frontin e luftës në Ukrainë. Admirali 66-vjeçar Sergei Avakyants u “largua” krejt papritur nga pozicioni i komandantit të flotës ruse në Paqësor.
Sipas postimeve të publikuara në llogaritë e Telegram, admirali u përpoq të mbronte njerëzit e tij që të mos bëheshin “mish për top” në Ukrainë. Zyrtari ushtarak 66-vjeçar në të kaluarën ose ka ngritur zërin e tij kundër urdhrave të Kremlinit ose ka vënë veton ndaj dërgimit të njerëzve të tij në Ukrainë.
Një burim në shtabin e mbrojtjes ruse raportoi se Avakyants duke folur me kreun e Marinës ruse Nikolay Yevmenov i tha atij se ai nuk ishte i gatshëm të shkatërronte flotën. Në fakt, ai ishte veçanërisht i zemëruar për shkak të humbjeve pasi marinsat e tij elitë kishin humbur jetën.
Në fakt, në shkurt, kanali ushtarak Moscow Calling raportoi se “31 automjete të blinduara të Brigadës 155 Detare nga Flota Ruse e Paqësorit u shkatërruan gjatë një sulmi në Vuhledar”.
Jo shumë kohë më parë, marinsat e brigadës dërguan një letër ku protestonin për taktikat ruse në frontin e luftës, pasi në vetëm katër ditë luftime të ashpra në Pavlinka, 300 burra u vranë, u plagosën dhe u zhdukën.
Ndërkohë, “shqetësimi” i admiralit u rrit me rritjen e humbjeve. Ai kundërshtoi urdhrat e Kremlinit dhe tha se për sa kohë që ai ishte në krye të Flotës së Paqësorit, ai nuk do të dërgonte më njerëz në front. Sipas një raporti, ai “kundërshtoi kërkesën për “formacione këmbësorie të destinuara për në Ukrainë nga marinarët e anijeve luftarake, nëndetëseve dhe anijeve ndihmëse“.
Përgjigja e Moskës ishte që ta “ekzilonin” dhe ta dërgonin me… pushime derisa të ricaktohej.
Për këtë mosbindje, ai u pushua nga puna dhe u dërgua me pushime – më vonë do të transferohej në një rol diplomatik në Moskë. Megjithatë, rrjedhjet që panë dritën e ditës thanë se largimi i tij ishte për shkak të “gjendjes së pakënaqshme të përgatitjes së flotës” dhe “shumë gabimesh menaxheriale”.
Një version tjetër thoshte se ai kishte mbushur moshën e pensionit të detyrueshëm, por u njoftua se do të merrte një rol përgjegjës për stërvitjen ushtarake.
“Komandanti i Flotës së Paqësorit Sergei Avakyants ka mbushur moshën e pensionit (66 vjeç) dhe është dërguar në një pushim të merituar me nderime,” tha një burim i Ministrisë së Mbrojtjes.
Por ja që mosha nuk është një pengesë e veçantë në Rusi, veçanërisht kur bëhet fjalë për një pozicion përgjegjësie.
Ministri i Mbrojtjes Sergei Shoigu është 67 vjeç, presidenti rus Vladimir Putin është 70 vjeç dhe shefi i FSB-së Alexander Bortnikov është 71 vjeç.
“Komandanti i Flotës së Paqësorit Sergei Avakyants ka mbushur moshën e pensionit (66 vjeç) dhe është dërguar në një pushim të merituar me nderime,” tha një burim i Ministrisë së Mbrojtjes.
Por ja që mosha nuk është një pengesë e veçantë në Rusi, veçanërisht kur bëhet fjalë për një pozicion përgjegjësie.
Ministri i Mbrojtjes Sergei Shoigu është 67 vjeç, presidenti rus Vladimir Putin është 70 vjeç dhe shefi i FSB-së Alexander Bortnikov është 71 vjeç.
