Familjet kujdestare do të marrin 10mijë denarë nga komuna e Gostivarit

Gostivari Sot
By Gostivari Sot 22 Tetor, 2022 20:23 Updated

Familjet kujdestare do të marrin 10mijë denarë nga komuna e Gostivarit

Kryetari i Komunës së Gostivarit, Arben Taravari gjatë prezantimit të fushatës “Shtrije dorën dhe ndrysho jetë – bëhu kujdestar”njoftoi se, të gjitha familjet që do të vendosin të bëhen familje kujdestare, gjegjësisht në shtëpitë e tyre do të pranojnë fëmijë që kanë nevojë për kujdes, do të marrin ndihmë financiare nga Komuna e Gostivarit në vlerë prej 10 mijë denarë në muaj.

Ai tha se, kjo ka për qëllim promovimin e kujdestarisë dhe rritjen e numrit të familjeve kujdestare.

“Vazhdojmë të jemi të gatshëm t’i ndihmojmë ato familje të cilat do të tregojnë gatishmëri për përkujdesje. Sot edhe para të pranishmëve theksova se për t’i motivuar ato familje, Komuna e Gostivarit do të subvencionojë me dhjetë mijë denarë në çdo muaj. Aktivitetet dhe suport të këtillë kemi treguar edhe në të kaluarën për sportistët, nxënësit më të mirë, familjet në nevojë, dhe besoj se me këtë lloj ndihme dhe motivimi do të vazhdojmë edhe në të ardhmen”, deklaroi Taravari.

Kjo fushatë nacionale realizohet nga “S.O.S Fshati i Fëmijëve” në bashkëpunim me Qendrat për Mbështetjen e Familjeve Kujdestare “11 Tetori”, Ministrinë e Punës dhe Politikës Sociale dhe pushtetin lokal, ndërsa mundësohet nga Ministria gjermane e zhvillimit ekonomik dhe bashkëpunimit.

Gostivari Sot
By Gostivari Sot 22 Tetor, 2022 20:23 Updated

11:34:32 am
Dje (23 nëntor) rreth orës 20:00 në rrugën “Dushko Popoviq”...
11:33:03 am
Mbrëmë (23 nëntor) rreth orës 19:10, në rrugën e “Ilindenit”...
11:32:03 am
Pjestarët e policisë të SPB Tetovë mbrëmë (24 nëntor) dhjetë...