Është arritur marrëveshje për maturën shtetërore

Kryeministri Zoran Zaev dhe kryetari i Unionit të Nxënësve të Shkollave të Mesme, Blendi Hodai treguan se kanë arritur zgjidhje për maturën shtetërore.

Nuk do të ketë provim ekstern, dhe se ai do të kalojë në provim intern dhe matura shtetërore në vend se më 29 maj, do të mbahet 5 qershor.

“Arritëm marrëveshje me çka çdo maturanti do ti mundësohet regjistrimi në fakultet në vend dhe jashtë vendit. Për ne është e pranueshme, gjithçka që është në të mirë të maturantëve. Jemi të vetëdijshëm se jemi në kohë pandemie dhe e pamë të arsyeshme që maturantëve t’ju dalim në pah”, deklaroi kryeministri Zoran Zaev.

Blendi Hodai nga UNSHM-ja ka njoftuar se matura shtetërore do të jetë me dy provime interne dhe dy eksterne, por provimi ekstern do të zbresë në rangun e provimit intern.