Dy raste të reja të Kovid-19 në Gostivar

Regjistrohen dy raste të reja të të infektuarve me koronavirus në Gostivar. Me këtë, në Gostivar tani janë aktive katër raste, aq sa edhe në komunën fqinje, Vrapçisht. Sipas informatave të shtabit ndërkomunal të krizës, dy rastet e reja janë regjistruar në fshatin Çegran.

Duke marrë parasysh së këta persona kanë punuar në instotucione publike, sot do të testohen të paktën 50 kolegë të tyre dhe farefisi, të cilët, sipas anketave, gjatë periudhës së kaluar kanë qenë në kontakt me ta.

Kryetari i komunës së Gostivarit, Arben Taravari e vlerëson situatën stabile, por paralajmëroi rritje të mundur të numrit të të sëmurëve, si pjesë e valës së dytë të pandemisë.