Diaspora mund të regjistrohet deri më 30 shtator

Sipas asaj që u tha sot me shtyrjen e regjistrimit të popullsisë, do të zgjatet edhe afati i regjistrimit të diasporës.

Me propozimin që u soll sot regjistrimi i popullsisë do të realizohet nga 5 deri në 30 shtator, ndërkaq diaspora, në vend se deri më 21 prill, do të mund të regjistrohet në ueb faqen census.stat.gov.mk deri më 30 shtator.

Për këto ndryshime të afateve, do të fillojë edhe përpilimi i ndryshimeve ligjore të cilat do të fillojnë sot.