Deponia “Rusino” mbetet e bllokuar edhe për dhjetë ditë tjera

Gostivari Sot
Nga Gostivari Sot 22 Gusht, 2020 16:10

Deponia “Rusino” mbetet e bllokuar edhe për dhjetë ditë tjera. Përfaqësues nga iniciativa qytetare “Stop Rusino – ajër i pastër për Gostivarin”, ato të rajonit planor të Pollogut , përfaqsues nga Agjencioni zviceran të cilët edhe financojnë projektin për menaxhim me mbeturinat, do të takohen sonte për të biseduar në lidhje me problemin me deponinë. Nga iniciativa qytetare “Stop Rusion – ajër I pastër për Gostivarin” konfirmojnë që ditëve të fundit kanë realizuar aktivitete dhe takime nga më të ndryshmet, por për momentin ende nuk ka një zgjidhje të pranueshme për të gjitha palët. Eko – aktivistët paralajmërojnë “dry” për deponinë “Rusino” edhe për dhjetë ditë tjera.

“Vijojmë ta mbajmë të bllokuar deponinë Rusino dhe për këtë duam ti informojmë qytetarët e Gostivarit. Pra bllokimi vijon edhe për dhjetë ditë të tjera dhe për këtë e kemi njoftuar edhe Policinë”

Kristina Naumoska nga iniciativa qytetare “Stop Rusino – ajër I pastër për Gostivarin”, bën me dije se ditëve të shkuara është aritur një marrveshje e përkohëshme me drejtuesit e komunës së Gostivarit, që Gostivari të mund të deponojë mebturina në “Rusino” , me qëllim që ata të mos mblidhen brenda qytetit. Deponimi do të bëhet në mënyrë të kontrolluar dhe do të jetë nën evidencë të N.P “Komunalec”. Naumoska fton qytetarët të bëhen pjesë e takimit të sontëm ku palët respektive do ti ballafaqojnë argumentet. Në fokus të takimit do të jetë formimi I një ndërmarrjeje të re për nëntë komunat e Pollogut , ndërmarrje kjo që do të duhet të menaxhoj me deponinë.

“Sonte në ora 18 kemi një takim I cili ka karakter informues dhe në të mund të marrin pjesë edhe qytetarët. Mund të na parashtrojnë pyetje nëse janë të interesuar si neve ashtu edhe të tjerëve që do të jenë prezent. Në takim do të marrin pjesë edhe përfaqsues nga agjencion zviceran të cilët mbështesin një projekt për deponinë Rusino”

Eko – aktivistët mbeten fortë në qëndrimin e tyre se “Rusino” duhet të mbyllet dhe deponia të zhvendoset. Situata me deponinë ‘Rusino” u aktualizua vitin e fundit pasi ajo në vazhdimsi digjej, derisa qytetarët ankoheshin për ajrin e ndotur dhe erën e rëndë. Nën trysni të opinionit publik, pushteti lokal organizoi një debat publik, ku morrën pjesë edhe përfaqsues të institucioneve lokale e qëndrore. Qytetarët pjesmarrës në debat kritikuan pushtetarët për neglizhencë ndaj problemit me deponinë “Rusino” dhe zgjidhjet sa për sy e faqe. Me kërkesën për një zgjidhje afatgjate të problemit të deponisë “Rusino” u organizuan edhe protesta ndërsa nga 2 gushti rruga për tek deponia është mbyllur plotësisht.

Gostivari Sot
Nga Gostivari Sot 22 Gusht, 2020 16:10