Çegranasit në pritje të fushës së sportit! Komuna dhe Agjencia ia hedhin fajin njëra-tjetrës

Gostivari Sot
Nga Gostivari Sot 5 Qershor, 2020 11:56

Banorët e Çegranit ende janë në pritje të rikonstruimit të fushës së sportit në fshatin e tyre. Edhe pse më 8 nëntor, përfaqësues të komunës së Gostivarit së bashku me Agjencinë për Rini dhe Sport ishin marrë vesh që secili t’i rreket punës që ky projekt të përfundojë në afat më të shkurt, ende nuk ka asnjë iniciativë për fillimin e punimeve.  Me kërkesë të komunës së Gostivarit ishin marrë vesh që deri në muajin mars të 2020 të përfundojë gjithçka që duhet me këtë investim dhe të fillohet me punë.

Tani të dy institucionet fajin ja hedhin njëra-tjetrës. Kryetari i Gostivarit Arben Taravari thotë se si komunë punën e tyre e kanë kryer, dhe se tani puna i ka mbetur Agjencisë për Rini dhe Sport.

“Ne një stadium e kemi rregulluar vjet e kemi ndërtuar tërësisht në fshatin Çegran ajo është për futboll të vogël, por në qoftë se mendohet për stadium të madh atëherë është e Agjensionit për Rini dhe Sport nga ana jonë ne e kemi dhanë komplet dokumentacionin që është kërkuar nga komuna e Gostivarit pra lejen e kështu më radhë. Më tej është investim i Agjensionit për Rini dhe Sport”, tha Arben Taravari, kryetar I Komunës së Gostivarit.

Por zëvendësdrejtori i Agjencisë për Rini dhe Sport, thotë se arsyeja e vonesës së këtij investimi është vonesa e përgatitjes së dokumentacionit nga Komuna e Gostivarit, me çka, siç thotë kapi pandemia.

“Që qytetarët e Çegranit akoma nuk po e shijojnë së paku fillimin e atyre punimeve kjo nuk është në përgjegjësinë e Agjencisë për Rini dhe Sport”, tha Izmit Nura, zv/drejtor i Agjencisë për Rini  dhe Sport.

Në pyetjen se ju po thoni që arsyeja e vonesës së këtij investimi është Komuna e Gostivarit, Nura me përgjigje:

“Fatkeqësisht këtu flasin faktet dhe dokumentacioni. Komuna e Gostivarit e ka dorëzuar në Agjencinë për Rini dhe Sport më 2 prill. Arsyet i dinë ato. Legalizimin e kanë bërë  më 5 shkurt kurse nga zyra projektuese e tyre në janar është bërë projekti dhe kërkesa është bërë në Komunën e Gostivarit më 12 shkurt të 2020 kurse pse të zyra e kryetarit Taravarit ka shkuar më 31 mars dhe pse e ka nënshkruar në atë datë duhet të pyesni kryetarin e komunës së Gostivarit”, tha Izmit Nura, zv/drejtor i Agjencisë për Rini  dhe Sport.

Pohimet e veta, Nura i dëshmon me dokumetacionin përkatës, ku shihen edhe datat e këmbimit të dokumentacionit.

Nura premton se sa të normalizohet gjendja me koronavirusin  menjëherë do të shpallet tenderi për këtë investim.

Ai i bën thirrje se Komuna e Gostivarit të mos e vonoj  edhe kërkesën për rikonstruimin e stadiumit në Forinë e cila ndodhet në Komunën e Gostivarit.

Projekti i rikonstruimit të stadiumit në fshatin Çegran, Agjencisë për Rini dhe Sport do t’i kushtojë gati 5 milion denarë, dhe pritet të realizohet brenda periudhës një vjeçare.

Gostivari Sot
Nga Gostivari Sot 5 Qershor, 2020 11:56