Berisha në oborrin e selisë së PD: Përulem para 44 mijë demokratëve që votuan largimin e Lul Bravës

Gostivari Sot
Nga Gostivari Sot 18 Dhjetor, 2021 23:52

Berisha në oborrin e selisë së PD: Përulem para 44 mijë demokratëve që votuan largimin e Lul Bravës

Ish kryeministri Sali Berisha ka mbajtur fjalën para demokratëve në oborrin e selisë së PD pas numërimit të votave të demokratëve për “shkarkimin” e Bashës.

Gjatë fjalës së tij, Berisha tha se 44 mijë demokratë kanë marrë pjesë në Referendumin e thirrur prej tij, për shkarkimin e kryetarit të PD. Në atë moment kanë ndërhyrë mbështetësit duke bërtitur “Basha ik”, por Berisha tha se duhet të thonë “Brava ik”.

Berisha: Duhet të përulem para dhjetëra mijëra, para 44 mijë demokratëve që sot vendosën me votën e tyre në mënyrën më plebishitare, largimin e peng Bashës, jo Basha por “brava” ik, e Lul Bravës nga drejtimi përfundimtar i forcës politike. Ky është ndëshkimi më i merituar që një person i padenjë për detyrë, që detyrën më të lartë të kreut të opozitës e shfrytëzon për pazare personale dhe trajton PD si pronë të tij. Ky është votimi më i shkëlqyer që shkruan një kapitull të ri në historinë e revolucionit.

Ky revolucion nuk ka të ndalur, nuk ka forcë në botë që mund ta ndalë. Jemi dëshmitarë të përpjekjeve të turpshme të narkoshtetit kundër këtij akti madhor në historinë e pluralizmit. Mjafton t’ju rikujtoj paraqitjen me orë të tëra në studio televizive të pengmarrësit etj etj, por asgjë nuk mund të ndalë njerëzit e lirë në realizimin e qëllimeve të tyre.

Nuk ka forcë që pengon dot njerëzit e lirë në arritjen e objektivave të tyre për liri dhe dinjitet. Unë me këtë rast dua ti jap fjalën komisionit që menaxhoi, drejtoi referendumin dhe falenderoj përzemërsisht se është i njëjti komision që menaxhoi në mënyrë të përsosur Kuvendin historik të 11 dhjetorit dhe po me kaq përgjegjësi, me transparencë absolute menaxhoi, drejtoi referendumin e parë.

Top Channel

Gostivari Sot
Nga Gostivari Sot 18 Dhjetor, 2021 23:52