BDI i përgjigjet Taravarit me një video me projekte

Dega e BDI në Gostivar, përmes një video materiali i është përgjigjur kryetarit të Komunës së Gostivarit, Arben Taravari i cili sot përmes një konference për media shpalosi të аrriturat e tij tre vjeçare në krye të komunës, njofton Gostivari Sot

“Fjalët ndoshta i merr era por veprat mbeten përjetësisht. Vetëm në vitin e parë të mandati 2013-2017, në komunën e Gostivarit u ndërtua aq shumë sa që dikush nuk mundet të ndërton për tridhjetë dhe jo për tre vite. – Mandati 2013-2017 do të mbahet mend për realizimin e mbi 600 projekteve, nga të cilat: Rrugë, rrugica dhe trotuare 129, kanalizim 35, ujësjellës 42, arsim 244, Rini, Sport dhe Turizëm 43, mbrojtje sociale 15, Kulturë 21, Parqe dhe Gjelbërim 19, Ndriçim Publik 28, sinjalizim i komunikacionit 17, si dhe shumë projekte të tjera që sot duken dhe shfrytëzohen nga qytetarët e Gostivarit. Video arkivë nga prezantimi i punimeve në periudhën kohore Prilli – 2013 deri Qershor – 2014”, shprehen nga BDI – Gostivar. VIDEO

Të shtunën BDI mbajti konferencë për shtyp. Sot, Taravari ua ktheu përgjigjen.

“E pash edhe press konferencën e opozitës që e përshëndes, shyqyr që ekzistojnë dhe mirë është që ekzistojnë. Thanë s’ke ndëru fabrika të reja. Unë s’kam mundur t’i ndërtoj sepse ata i shitën. E nisim, Mishtoren (thertoren). BDI kishte pushtet qendror dhe pushtet lokal. Goteksi, Dekoni, Silika, Qelqtorja. Dmth, çdo gjë që ka pas fabrikë këtu, ata nuk janë mbyllur para 50 vjetësh, janë mbyllur këto 19 vite ku BDI ka pasur Pushtet Lokal dhe Pushtet Qendror. Çdo gjë që ka funksionuar këtu, nga shkollat, spitalet, bizneset, çdo gjë e degjenerun. Tash kërkojnë Taravari të hape fabrika”, tha mes të tjerash Taravari. VIDEO. Gostivari Sot