BDI: Banorët e Çajlës njoftohen nga afër me koncpetin e Ali Ahmetit
Drejtuesit e Shtabit Zgjedhor të degës së BDI-së në Gostivar, të shoqëruar nga kandidatët për deputetë për zgjedhjet e 15 Korrikut, zonj, Vjollca Latifi-Ademi, zonj. Arta Bilalli – Zendeli dhe z. Hasim Deari realizuan takime me banorët e Çajles, njoftuan nga BDI, dega Gostivar.
Në këtë takim ku e pranishme ishte edhe zëvendësministrja e financave, zonj. Shiret Elezi banorët e Çajlës u njoftuan nga afër me koncpetin e liderit të Bashkimit Demokratik për Integrim, z. Ali Ahmeti për të udhëhequr me shtetin nga posti i kryeministrit që kësaj radhe do të jetë nga radhët e shqiptarëve, në këtë rast juristi i mirënjohur nga Shkupi, z. Naser Ziberi.
Duke u nisur nga kjo ide e madhe kombëtare, para banorëve të Çajlës u tha që me Kryeministrin Shqiptar do të jetë e realizueshme platforma politike me të cilën BDI garon në zgjedhjet e 15 Korrikut, siç janë Inegrimi konsesual, Vetingu, zhvillim ekonomik, vende të lira pune dhe Rinia në vendlindje.
Fushata e Bashkimit Demokratik për Integrim në Gostivar vazhdon me një agjendë të ngjeshur në takim me qytetarët, por duke respektuar plotësisht protokollin e paracaktuar për mbrojtje nga Korona Virusi.
