Arrestohet një person gjatë bastisjes në Shkup, gjendet një pistoletë
Në Shkup, dje në orën 16:05, nëpunësit e policisë të Njësisë për Tregti të Paligjshme në SPB Shkup kanë privuar nga liria R.F. (48) nga Shkupi.
Gjatë bastisjes në shtëpinë e tij, të kryer me urdhër gjykate, informojnë nga MPB-ja, është gjetur një pistoletë “Bereta” 7,65 mm dhe 48 fishekë.
Ai është arrestuar në Stacionin e Policisë dhe pas dokumentimit të plotë të rastit ndaj tij do të bëhet kallëzim përkatës.