Ahmeti: Kandidati mbipartiak dhe fitimtar për kryeministër është Naser Ziberi

Gostivari Sot
Nga Gostivari Sot 24 Qershor, 2020 13:47

Naser Ziberi do të jetë pretendues për Kryeministrin e parë shqiptar. Informata u bë e ditur nga lideri i BDI-së, Ali Ahmeti nga Prespa, njofton Flaka

Lideri i BDIsë Ali Ahmeti i cili nisi fushatën zgjedhore për zgjedhjet e parakohëshme parlamentare të 15 korrikut, në konventën promovuese në Prespë shpalosi emrin e shumëpritur për kryeministët të parë shqiptar në Maqedoninë e Veriut, ish deputetin dhe nënkryetarin e qeverisë dhe bashkë-përpilues të Marrëveshjes së Ohrit, Naser Ziberi.

“Pas konsultimeve intensive me shoqërinë civile, botën akademike, ekspert dhe opinion krijues, por edhe me miq e dashamirë, arritëm deri tek emri unifikues dhe meritor për të qenë i pari shqiptar që garon për
të thyer edhe kornizën e fundit një-etnike në Maqedoninë e veriut, atë të kryeministrit të vendit dhe ky është Naser Ziberi i cili i ka të gjitha virtytet për të prirë ekzekutivin e vendit drejt barazisë së plotë.” tha Ahmeti.

Ndërsa kandidati për Kryeministër në fjalën e tij u shpreh u bindur që ka Ardhur koha për barazi të plotë.

“Më befasoi thirrja e z. Ali Ahmeti me ftesë për takim në zyrën e tij. Më njoftoi që që ishte konsultuar me shumë njerëz të respektuar të shoqërisë civile dhe akademike dhe se emri im ishte ndër të propozuarit
si kandidat mbipartiak. Sinqerisht, u befasova dhe natyrisht ,u ndjeva i vlerësuar. Për të qenë plotësisht i sinqertë, mendova vet me vete se kjo jo vetëm që do të ndryshonte jetën time por ishte gjithashtu një
përgjegjësi mjaft e madhe. Një vendim jo i thjeshtë për t’u marrë, dhe jo shumë kohë për ta menduar. Por,  çeliku kalitet në zjarr dhe individi vlerësohet për nga vendimet që i merr për të mirën shoqërore përballë rehatisë individuale, andaj dhe thash: PO.”

Ziberi ka qenë deputet në Parlamentin e RMV për tre mandate. Ziberi ka qenë Kryetar i Degës së PPD-së në komunën Karposh, Shkup nga viti 1990 deri në 1994.

Ka qenë Sekretar i përgjithshëm i PPD-së nga viti 1994 deri në 1998. Anëtar i Kryesisë dhe koordinator i Grupit të deputetëve të PPD-së në Kuvendin e  RM. Kryetar i  Grupit të deputetëve të Kuvendit të RM në bashkupunimë me  Parlamentin e Republikës së Turqisë. Anëtar i  Grupit të deputetëve të Kuvendit të RM për bashkëpunim me parlamentet e Mbretërisë së Norvegjisë, Republikës së Finlandës, Mbretërisë së Suedisë, Mbretërisë së Danimarkës dhe Republikës së Islandës. Ishte nënkryetar i Qeverisë së Republikës së Maqedonisë nga viti 1996 deri në 1998 dhe ministër i Punës dhe Politikës Sociale.

U lind në vitin 1961 në fshatin Llaskarcë, Shkup, RM. Shqipëtar. Ka kryer  Fakultetin Juridik. Gjatë kohë punoi si gazetar në gazetë e përditshme në gjuhën shqipe “Flaka”.  E flet gjuhën franceze. Ka qenë deputet i PPD-së në Kuvendin e RM në dy mandatet e mëparshme nga viti 1990 deri në 1998. Jeton në  fshatin Llaskarcë, Shkup. Flaka

Gostivari Sot
Nga Gostivari Sot 24 Qershor, 2020 13:47