A e dini pse i trembemi kaq shumë errësirës?

Gostivari Sot
By Gostivari Sot 28 Tetor, 2022 21:00 Updated

A e dini pse i trembemi kaq shumë errësirës?

Që nga filmat horror e deri tek historitë me fantazma, errësira është lidhur historikisht me gjëra të frikshme

Jo më kot shumë njerëz i frikësohen errësirës, sidomos fëmijëve, por pse?

Në fakt ka një arsye specifike që qëndron pas kësaj frike dhe shkon përtej historive të frikshme që keni parë në filma.

Të kesh frikë nga errësira sipas ekspertëve njihet si “frikë e përgatitur”. Pra që do të thotë se ne jemi të predispozuar apo të përgatitur për të zhvilluar një lloj frikë ndaj disa dukurive të caktuara, krahasuar me të tjerët, shkruan Huffington Post.

Frika nga errësira është thuajse e njëjtë me frikën që njerëzit kanë nga lartësitë, akrepat, gjarpërinjtë, etj… Ajo çfarë na frikëson vërtetë, është e panjohura- pra në errësirë ne nuk e dimë se ç’mund të na dalë para.

Kjo lloj frike mund të jetë gjithashtu rezultat i disa ngjarjeve që kanë ndodhur në jetë. Për shembull, një eksperiencë traumatike që mund të të ketë ndodhur natën, një abuzim, vjedhje, rrëmbim, etj.

Çfarë duhet të dini është se frika nga errësira mund të kthehet edhe në diçka tjetër.

Është shumë e rëndësishme ta identifikoni këtë frikë dhe të vini re nëse ndikon tek aktivitetet tuaja të përditshme apo tek mirëqenia juaj, citon Anabel.

Nëse kjo lloj frike ndikon edhe tek marrëdhëniet me njerëzit, atëherë kemi një problem më serioz dhe është e nevojshme ndihma profesionale.

Gostivari Sot
By Gostivari Sot 28 Tetor, 2022 21:00 Updated

11:34:32 am
Dje (23 nëntor) rreth orës 20:00 në rrugën “Dushko Popoviq”...
11:33:03 am
Mbrëmë (23 nëntor) rreth orës 19:10, në rrugën e “Ilindenit”...
11:32:03 am
Pjestarët e policisë të SPB Tetovë mbrëmë (24 nëntor) dhjetë...