Përfaqësuesja e lartë e Bashkimi Evropian për Politikë të Jashtme dhe Siguri, Kaja Kallas, njoftoi se paketa e 20-të e sanksioneve ndaj Rusisë do të miratohet këtë të hënë. Sipas saj, sanksionet synojnë të kufizojnë aftësinë financiare të Moskës për të mbështetur luftën në Ukrainë.
Kallas theksoi se bisedimet e fundit në Gjenevë kanë treguar se Rusia nuk po largohet nga kërkesat e saj maksimaliste, duke e zvarritur procesin e paqes. “Moska po zvarritet në vend që të ecë drejt paqes. BE-ja po ecën drejt paketës së njëzetë të sanksioneve. Masat e reja do të kufizojnë më tej aftësinë e Moskës për të financuar luftën. Moska nuk është e pamposhtur,” tha Kallas gjatë një konference për shtyp pas takimit të E5 në Poloni.
Kjo paketë e sanksioneve shënon një hap tjetër të BE-së drejt presionit ekonomik mbi Rusinë, me qëllim të ndihmës për përfundimin e konfliktit në Ukrainë.
