Presidenti i Ukrainës, Volodymyr Zelensky, mund të mos marrë pjesë në Forumin Ekonomik Botëror që mbahet në Davos, raportojnë mediat ndërkombëtare. Burime diplomatike bëjnë të ditur se pjesëmarrja e tij mbetet e pasigurt dhe varet nga zhvillimet e fundit në arenën politike ndërkombëtare.
Sipas raportimeve, Zelensky do të udhëtonte drejt qytetit zviceran vetëm në rast se do të ishte planifikuar një takim dypalësh me Presidentin e Shteteve të Bashkuara të Amerikës, Donald Trump. Ky takim do të kishte për qëllim diskutimin dhe nënshkrimin e një marrëveshjeje të mundshme që lidhet me të ardhmen e Ukrainës pas përfundimit të luftës.
Deri më tani, Shtëpia e Bardhë nuk ka konfirmuar apo planifikuar një takim të tillë mes Trump dhe Zelenskyt në kuadër të Forumit të Davosit, ku pritet të marrin pjesë udhëheqës botërorë, zyrtarë të lartë dhe përfaqësues të institucioneve më të rëndësishme ndërkombëtare.
