Shtetet e Bashkuara kanë vendosur një tarifë prej 25% për importet e gjysmëpërçuesve, sipas një deklarate të Shtëpisë së Bardhë nën Presidentin Donald Trump. Tarifa vlen për “mikroqarqet e avancuara” dhe produkte të ngjashme, megjithatë disa përjashtime janë parashikuar.
Importet që përdoren për rritjen e kapacitetit prodhues të vendit, qendrat e të dhënave, startup-et, kërkimin shkencor dhe projektimin eksperimental nuk do të ngarkohen me tarifë.
Deklarata thekson se SHBA prodhon vetëm rreth 10% të gjysmëpërçuesve që i nevojiten, duke e bërë vendin të varur nga furnizuesit e huaj. Administrata amerikane e konsideron këtë situatë kërcënim për sigurinë kombëtare.
Sekretari i Tregtisë, Howard Latnick, ka rekomanduar një plan dyfazor, që përfshin stimuj për kompanitë e huaja që investojnë në prodhimin e gjysmëpërçuesve në SHBA, me qëllim të forcimit të kapacitetit të brendshëm të vendit.
Ky vendim ka potencial të ndikojë në tregjet globale të teknologjisë dhe zinxhirët e furnizimit, duke shtuar tensionet tregtare ndërkombëtare.
